Беларус Фёдар Лапоухаў — адзін з намінантаў на званне лепшага гульца сафійскага ЦСКА
- 18.12.2025, 21:17
22-гадовы брамнік правёў 14 матчаў ва ўсіх турнірах, прапусціўшы 11 мячоў.
Беларускі брамнік Фёдар Лапоухаў намініраваны на званне лепшага гульца сафійскага ЦСКА па выніках першай паловы сезона-2025/26.
Пра гэта паведамляе прэс-служба клуба са сталіцы Балгарыі.
Іншыя кандыдаты на званне: абаронца Лумбард Деллова, нападнікі Леандро Годой і Іааніс Пітас, а таксама паўабаронцы Бруно Жордао і Джэймс Этоо.
У бягучым сезоне 22-гадовы беларускі брамнік правёў 14 матчаў ва ўсіх турнірах, прапусціў 11 мячоў і чатыры разы згуляў «на нуль».