Беларус здаваў на правы 75 разоў

• 18.12.2025, 12:30

На гэта пайшло 3,5 года.

21‑гадовы юнак усталяваў амаль неверагодны рэкорд: экзамены ён спрабаваў здаць цэлых 75 разоў. Атрымаць правы яму ўдалося толькі праз тры з паловай года штодзённых заняткаў, пераздач і перажыванняў, піша «Гродзенская праўда».

Яшчэ адзін цікавы выпадак. 50‑гадовы беларус 30 разоў спрабаваў здаць тэорыю і 50 — практыку. Амаль тры гады мінула, перш чым ён змог дасягнуць жаданага. Гэта гісторыя яскрава паказвае: узрост і жыццёвы досвед зусім не гарантуюць лёгкага шляху да правоў.

А вось іншы выпадак стаў сапраўдным урокам: мужчына атрымаў правы толькі з 71‑й спробы, уклаўшы ў гэта шмат сіл і часу. Але ўсяго праз год пазбавіўся іх імгненна — сеў за руль у стане ап’янення.

Выснова відавочная: правы — гэта не толькі навык кіравання аўтамабілем, але і адказнасць за свае ўчынкі.