З’явілася відэа моманту выбуху ў Гомелі
- 18.12.2025, 11:13
Ад выбуху пацярпеў і бліжэйшы дзіцячы садок.
У шматкватэрным доме на вуліцы Косарава ў Гомелі выбухнуў газ. Інцыдэнт адбыўся 17 снежня. Сёння з’явілася відэа моманту выбуху.
Пацярпеў і бліжэйшы дзіцячы садок. Выбуховай хваляй у будынку выбіла шыбы. Акрамя таго, пацярпелі як мінімум два аўтамабілі, што стаялі непадалёк.
Уначы ратавальнікі агледзелі месца выбуху. Пошукі вяліся ва ўмовах навіслых абломкаў і нестабільных элементаў канструкцый.
Жывых людзей пад заваламі не выяўлена. Ці ёсць загінулыя — інфармацыі няма.