Больш за 100 былых беларускіх палітвязняў прыбылі з Украіны ў Варшаву

• 18.12.2025, 8:35

Частка з іх застанецца ў Польшчы, частка паедзе ў Літву.

Больш за 100 былых беларускіх палітвязняў, вывезеных ва Украіну 13 снежня, раніцай 18 снежня прыбылі ў Варшаву.

Вядома, што частка з іх застанецца ў Польшчы, частка паедзе ў Літву. Усе паспяхова перасеклі мяжу, паведамляе «Радыё Свабода».

Былых палітвязняў ноччу сустракалі валанцёры, журналісты, дыпламаты.

Аўтобус у Варшаве сустракалі і сваякі некаторых былых палітвязняў. У прыватнасці Марыю Калеснікаву сустрэла яе сястра Таццяна Хоміч. Яны не бачыліся 5 гадоў.

Члены сям'і былой галоўнай рэдактаркі партала tut.by Марыны Залатавой чакалі яе ў Варшаве з кветкамі. Палітвязні дзякавалі ўкраінскаму боку за чалавечае стаўленне.