Рюттэ заклікаў НАТА траціць па 5% ВУП на абарону

• 18.12.2025, 5:06

Каб раптам не аказалася, што Расія стала мацнейшай за Альянс.

Генеральны сакратар НАТА Марк Рюттэ заклікаў НАТА павялічыць выдаткі на абарону да 5%, каб раптам не аказалася, што Расія стала значна мацней за ўвесь Альянс.

Пра гэта Рюттэ заявіў у інтэрв'ю BBC.

Паводле слоў Рюттэ, калі Альянс не будзе траціць 5% ВУП на абарону, праз некалькі гадоў Расія можа стаць значна мацней за краіны НАТА. Цяпер НАТА абавязалася траціць 5% на абарону пасля таго, як такое патрабаванне вылучыў прэзідэнт ЗША Дональд Трамп падчас саміту ў Гаазе.

Рюттэ адзначыў, што дзякуючы прэзідэнту ЗША НАТА стала «мацнейшай, чым калі-небудзь», а патрабаванне прэзідэнта ЗША траціць больш на абарону стала «найбуйнейшым поспехам Дональда Трампа ў знешняй палітыцы».

«Цяпер мы мацнейшыя, але калі мы не выканаем гаагскія рашэнні, праз некалькі гадоў мы будзем слабейшыя за расіян, а гэта надзвычай небяспечна», — адзначыў ён.

Рюттэ таксама дадаў, што заявы расійскага дыктатара Уладзіміра Пуціна пра намер заваяваць украінскія тэрыторыі — так званыя «гістарычныя землі», пра якія кажа Крэмль, — гэта сапраўднае «вар'яцтва». Рюттэ нагадаў, што Пуцін ужо прынёс на алтар сваёй вар'яцкай ідэі 1,1 мільёна расіян.