Сенат ЗША адобрыў абарончы бюджэт на $900 млрд

• 17.12.2025, 22:21

Законпраект прадугледжвае ваенную дапамогу Украіне ў памеры $400 млн.

Верхняя палата Кангрэса ЗША адобрыла ў сераду законпраект аб абаронным бюджэце краіны на 2026 год.

У падтрымку дакумента прагаласавалі 77 сенатараў, супраць – 20.

Цяпер для ўступлення ў сілу законпраект павінен падпісаць прэзідэнт ЗША Дональд Трамп.

Палата прадстаўнікоў ЗША адобрыла гэты дакумент мінулага тыдня.

Згодна з законпраектам, які налічвае больш за 3 тыс. старонак, абарончы бюджэт на 2026 год складзе $900 млрд. Законпраект, у прыватнасці, прадугледжвае ваенную дапамогу Кіеву ў памеры $400 млн.

Акрамя таго, дакумент прадугледжвае павышэнне заробкаў вайскоўцам, абмежаванне інвестыцый ЗША ў Кітай, а таксама адмену санкцый у дачыненні да Сірыі.