Выбух у Гомелі: з’явіліся новыя падрабязнасці

• 17.12.2025, 16:34

Успышка газу разбурыла некалькі кватэр.

У Гомелі выратавальнікі працуюць на вуліцы Косарава. Паводле папярэдняй інфармацыі, на сёмым паверсе аднаго з шматкватэрных дамоў адбылася ўспышка газапаветранай сумесі.

Удакладняецца, што адкрытага пажару не было.

Выратавальнікі ўстанавілі, што ў выніку інцыдэнту абваліліся пліты перакрыццяў паміж кватэрамі на верхніх і ніжніх паверхах.

На дадзены момант з будынка эвакуяваны 9 чалавек. Спецыялісты вядуць пошук магчымых пацярпелых.

На месцы працуюць 40 выратавальнікаў і 12 адзінак тэхнікі МНС. Як распавёў выданню «Белка» начальнік Гомельскага абласнога ўпраўлення МНС Сяргей Дычкоўскі, усім патрэбуючым жыхарам прадаставілі месцы для часовага пражывання, забяспечылі ежай.