«Азоў» ракетамі разграміў калону расейцаў на квадрацыклах

• 17.12.2025, 13:44

Акупантаў «сагрэлі» на зімняй прагулцы.

На Дабрапольскім напрамку вайскоўцы 1-га корпуса НГУ «Азоў» 16 снежня відовішчна разграмілі калону варожай тэхнікі разам з асабовым складам падчас спробы штурму.

Армія РФ кінула ў атаку акупантаў на 16 квадрацыклах, якія расцягнуліся «змяёй» па дарозе, таму былі выдатна бачныя для БПЛА разведкі і, вядома ж, для артылерыстаў.

На відэа, апублікаваным у Telegram-канале «Украіна 365», можна заўважыць у кадры не менш за 6 квадрацыклаў і салдат РФ, якія рухаюцца побач, па якіх сістэматычна наносяць ракетныя ўдары.

«Палёт ракеты да мэты 1 хвіліна і 10 секунд», — паведамляе голас вайсковага за кадрам.

Серыя дакладных і магутных пападанняў ператварае варожы транспарт і акупантаў у палаючыя шары.

«Як бачым, метал расцягваецца», — пракаментаваў іншы вайсковы.

Ні адзін з квадрацыклаў не дасягнуў мэты — уся калона была знішчаная.

«Дзякуй, ракета прыляцела», — падзякаваў вайсковец «Азова».