Віктар Бабарыка адказаў на пытанне: «Лукашэнка — дыктатар?»

• 17.12.2025, 10:14

Адказ быў з шматлікімі агаворкамі.

Экс-кіраўнік «Белгазпрамбанка» Віктар Бабарыка, вызвалены 13 снежня з турмы і вывезены ва Украіну, у інтэрв’ю ўкраінскаму блогеру Уладзіміру Золкіну адказаў на пытанне, ці з’яўляецца Аляксандр Лукашэнка дыктатарам.

Інтэрв’ю з былым палітвязнем блогер апублікаваў на сваім YouTube-канале.

Віктар Бабарыка адказаў на простае пытанне з шматлікімі агаворкамі:

— Я адкажу яго словамі: ён сябе лічыць дыктатарам, ён неаднаразова гэта казаў: «я — дыктатар».

— А вы як думаеце? — удакладніў Золкін.

— Будзем казаць так: я б сказаў, што калі пад дыктатурай разумець усталяванне ўлады, пры якой адзін чалавек, які ўсталёўвае ўладу або з’яўляецца яе ўвасабленнем, вызначае ўсе сістэмы ўлады, калі зыходзіць з гэтага, то — так. Бо ўсе сістэмы ўлады, якія прадугледжваюцца ў нармальным дэмакратычным грамадстве, а менавіта незалежнасць трох, або, як цяпер прынята, чатырох улад, — яны ўсе, пачынаючы з судовай сістэмы і заканчваючы СМІ, падпарадкаваныя дзяржаве. А раз так, то гэта — дыктатура, — адказаў Віктар Бабарыка.