У Беларусі адкрыюць незвычайны музей

• 16.12.2025, 21:19

Ён будзе цікавым для аматараў закатак.

У Беларусі з'явіцца першы ў краіне Музей закатак. Пра запуск незвычайнага праекта паведамілі ў Instagram яго стваральнікі.

Новы музей запрацуе ў гарадскім пасёлку Радашковічы Мінскай вобласці. Ён размесціцца на тэрыторыі, дзе ўжо працуюць слімаковая ферма, «Альпака-парк» і папугайня.

Наведвальнікам абяцаюць расказаць пра традыцыі салення, квашання і марынавання.

Таксама гасцям пакажуць рэцэпты з розных рэгіёнаў краіны і, вядома, пачастуюць расолам.

Адкрыццё запланавана на 3 студзеня, паведамілі арганізатары.

У анонсе праекта пазначана, што акрамя экспазіцыі тут плануюць праводзіць дэгустацыі і іншыя гастранамічныя мерапрыемствы.