За кратамі Алесь Бяляцкі напісаў дзве кнігі

• 16.12.2025, 18:51

Іх канфіскавалі.

У дзень вызвалення ў нобелеўскага лаўрэата, палітвязня Алеся Бяляцкага забралі ўсе рукапісы і нешматлікія лісты, якія дайшлі да яго за час зняволення. Пра гэта нобелеўскі лаўрэат і былы палітвязень распавёў у інтэрв'ю DW.

Сярод канфіскаваных у Бяляцкага рукапісаў былі дзве напісаныя ім кнігі ўспамінаў.

Гэтыя дзеянні ён параўнаў з перыядам сталінскіх рэпрэсій: «Такія рэчы нагадваюць 1930-я гады, калі, як мне распавядалі, палілі рукапісы, запісы, кніжкі беларускіх пісьменнікаў у 1937 годзе. Усё гэта адбывалася ў двары КДБ або ў двары «Валадаркі». Знішчалася памяць людзей, іх перапіска, іх эмоцыі».