Саюзнікі Украіны прапануюць РФ перамір’е на Раство

• 16.12.2025, 4:12

Канцлер Германіі спадзяецца на «астаткі чалавечнасці» ў рэжыме Пуціна.

Саюзнікі Украіны будуць прасіць Расію хаця б на час Раства спыніць баявыя дзеянні. Пра гэта заявіў канцлер Германіі Фрыдрых Мерц на канферэнцыі з прэзідэнтам Уладзімір Зяленскі у Берліне.

Ён адзначыў, што 14–15 снежня ЗША, Украіна і прадстаўнікі Еўропы распрацавалі шэраг прапаноў, якія перададуць расійскаму боку. Няма гарантый, што да Раства (25 снежня) удасца дасягнуць спынення агню, але «мяч на баку Расіі».

«Не ведаю, ці скарыстаюць яны (расіяне) гэты час. Мы будзем рабіць усё, звяртацца да расіян і ўрада, каб хаця б, як мінімум, на час Раства спыніць баявыя дзеянні», — сказаў Мерц.

Ён адзначыў, што ў апошнія дні і месяцы вайна РФ супраць Украіны знішчае выключна мірнае насельніцтва: дзіцячыя садкі, школы — гэта тэрор.

«Магчыма, у расійскага ўрада захаваліся астаткі чалавечнасці і ён можа пакінуць людзей у спакоі хаця б на некалькі дзён на час Раства. І, магчыма, гэта будзе пачатак канструктыўных, цвярозых перамоваў, якія прывядуць да працяглага міру ва Украіне», — рэзюмаваў Мерц