У Мінску адкрываецца візавы цэнтр Кіпра

• 15.12.2025, 10:13

Афармленне віз катэгорыі C будзе магчыма без папярэдняга запісу.

З сённяшняга дня, 15 снежня, у Мінску адкрываецца візавы цэнтр Кіпра.

«Пачынаючы з гэтай даты заяўнікі змогуць падаваць заявы на атрыманне віз у спецыяльных візавых цэнтрах, якімі кіруе кампанія BLS International», — паведамілі ў пасольстве.

Знаходзіцца ён будзе па адрасе: вуліца Талстога 8-2.

Афармленне віз катэгорыі C будзе магчыма без папярэдняга запісу. Падача заявы ў візавым цэнтры абыдзецца ў 1,5 еўра з улікам ПДВ. Візавы збор складзе 45 еўра для дзяцей ад шасці да 11 гадоў і 90 еўра для заяўнікаў старэй за 12 гадоў.

Кіпр — член ЕС, але не ўваходзіць у Шэнген.