Лукашэнка перадаў у падарунак Дональду і Меланіі Трамп ікону Мікалая Цудатвораца

• 15.12.2025, 4:59

Таксама дыктатар перадаў першай лэдзі ЗША ювелірны выраб.

Дыктатар Аляксандр Лукашэнка перадаў у падарунак прэзідэнту Злучаных Штатаў Амерыкі Дональду Трампу і першай лэдзі ЗША Меланіі Трамп ікону Мікалая Цудатвораца. Пра гэта паведамілі ў эфіры тэлеканала «Беларусь 1».

«Трамп вельмі паважае [святога] Мікалая», — сказаў Лукашэнка, уручаючы падарунак спецыяльнаму прадстаўніку прэзідэнта ЗША Джону Коулу.

Акрамя таго, Лукашэнка перадаў Меланіі Трамп вытанчаны ювелірны выраб, выкананы ў выглядзе кветак беларускага васілька.