У Польшчы недалёка ад мяжы з Беларуссю знайшлі часткі невядомага беспілотніка

• 14.12.2025, 20:43

У нядзелю, 14 снежня, у вёсцы Жэлезна Люблінскага ваяводства Польшчы мужчына падчас прагулкі па лесе знайшоў часткі невядомага беспілотніка.

Пра гэта ў сацыяльнай сетцы X паведаміла паліцыя Люблінскага ваяводства.

«Сёння, каля 13:00, у Жэлезне мужчына падчас прагулкі па лесе заўважыў часткі аб’екта, падобнага на дрон. Паліцыянты ахоўваюць тэрыторыю. Мы паведамілі ў адпаведныя службы, у прыватнасці ў Ваенную паліцыю ў Белай-Падлясцы і ў Акруговую пракуратуру ў Радзыні-Падляскім», — гаворыцца ў паведамленні.

Населены пункт Жэлезна размешчаны каля 55 кіламетраў ад мяжы паміж Беларуссю і Польшчай.