Беларус спрабуе прадаць пустую банку з-пад чыпсаў за 500 рублёў

• 14.12.2025, 19:00

Чаму так дорага?

На адной з пляцовак аб'яў з'явіўся сумнеўны прадмет — пустая банка з-пад чыпсаў. Гэта заўважыў партал Blizko.by.

Прадавач ацаніў яе ў Br500.

Кошт поўнай банкі ў нас у краіне вагаецца ў межах Br8–10.

«Банка з Егіпта» — адзінае апісанне, якое пакінуў прадавец пад аб'явай.

Ён таксама пазначыў, што не будзе адказваць на званкі.

Надпісы на ўпакоўцы — на англійскай і арабскай мовах. А тэрмін прыдатнасці прадукта ўжо скончыўся.

У іншых аб'явах гэтага прадаўца на гэтай анлайн-пляцоўцы выставлены цалкам прыстойныя рэчы. Гэта бесправадныя навушнікі FreeMotion B540, сінтэзатар Yamaha PSR-E433 і iPhone 16 Pro. Бачна, расхламленне ідзе поўным ходам.