Мерц: Пуцін хоча аднавіць СССР

• 14.12.2025, 18:35

Дыктатар РФ зацікаўлены ў змене межаў у Еўропе.

Федэральны канцлер Германіі Фрыдрых Мерц заявіў, што прэзідэнт Расіі Уладзімір Пуцін зацікаўлены ў аднаўленні Савецкага Саюза ў яго ранейшых межах. Сваім меркаваннем ён падзяліўся на партыйным з’ездзе ХДС/ХСС, трансляцыя якога вялася на YouTube.

Канцлер лічыць, што дыктатар Расіі зацікаўлены ў «фундаментальнай змене межаў у Еўропе» і аднаўленні СССР у яго ранейшых межах.

«Гэта стварае вялізарную, у тым ліку і ваенную, пагрозу для краін, якія калісьці былі часткай гэтай імперыі», — сказаў Мерц.

У сувязі з гэтым, па яго словах, дапамога Украіне, адзінства Еўропы і супрацоўніцтва з Вялікабрытаніяй павінны заставацца прыярытэтамі ў знешняй палітыцы і палітыцы бяспекі.