З’явіліся кадры падзення расійскага ваенна-транспартнага самалёта Ан-22

• 14.12.2025, 17:55

Відэа.

У Сеціве з’явіліся кадры падзення расійскага ваенна-транспартнага самалёта Ан-22 ў Іванаўскай вобласці РФ. Адпаведнае відэа апублікаваў расійскі Telegram-канал Mash у нядзелю, 14 снежня.

На кадрах можна ўбачыць, як самалёт развальваецца ў паветры. Канал Mash піша, што паветранае судна ўпала ў Уводскае вадасховішча, перадае New Voice.

Самалёт Ан-22 ўпаў 9 снежня. Як пісала прапагандысцкае агенцтва ТАСС, са спасылкай на аператыўныя службы, на борце знаходзіліся сем членаў экіпажа.

Telegram-канал Mash напісаў, што ў выніку аварыі загінуў увесь экіпаж. Папярэдне прычынай падзення сталі рулёвыя прывады. Іх маглі неякасна абслужыць перад вылетам, гаворыцца ў паведамленні.

Ан-22 — найбуйнейшы ў свеце турбавінтавы самалёт, прызначаны для перавозкі цяжкага і буйнагабарытнага ўзбраення.