СМІ: Сярод пацярпелых у Сіднэі апынуўся старшыня савета Ізраіль — Аўстралія

• 14.12.2025, 17:15

Стральба на пляжы адбылася 14 снежня падчас святкавання пачатку Ханукі.

Сярод пацярпелых у выніку стральбы ў аўстралійскім Сіднэі апынуўся старшыня савета Ізраіль — Аўстралія Арсен Астроўскі. Пра гэта паведамляе Telegram-канал «Осторожно, новости», спасылаючыся на мясцовыя выданні.

«Паводле даных мясцовых СМІ, ён атрымаў раненне ў галаву. Ізраільскі журналіст Хананія Нафталі піша, што таксама паранены равін Элі Шлангер», — гаворыцца ў допісе.

Акрамя таго, праваабарончая арганізацыя StandWithUs паведаміла пра адмену мерапрыемстваў з нагоды Ханукі ў Мельбурне.

Паводле даных паліцыі штата Новы Паўднёвы Уэльс, у выніку здарэння дзесяць чалавек выратаваць не ўдалося, яшчэ 11 паранены, у тым ліку двое супрацоўнікаў паліцыі.

Вядома, што адзін са стралкоў не выжыў, другі знаходзіцца ў крытычным стане ў бальніцы. На дадзены момант спецыялісты вывучаюць шэраг падазроных прадметаў, выяўленых у гэтым раёне, тэрыторыя ачэплена. Трэцяга падазраванага ўжо затрымалі.

Стральба на пляжы адбылася 14 снежня падчас святкавання пачатку Ханукі. З гэтай нагоды на пляжы сабраліся некалькі тысяч прадстаўнікоў яўрэйскай грамады, пісалі СМІ.