Украіна адмовілася здаваць Данбас Расіі ў адказ на план Трампа

• 14.12.2025, 15:41

У Кіеве таксама адхілілі прапанову адмовіцца ад права на ўступленне ў НАТА.

Украіна ў сустрэчным мірным плане з 20 пунктаў, перададзеным амерыканцам 10 снежня, выключыла перадачу падкантрольных ёй тэрыторый Данбаса Расіі, паведамілі The New York Times двое высокапастаўленых еўрапейскіх чыноўнікаў і былы супрацоўнік адміністрацыі ЗША.

Паводле іх слоў, у Кіеве таксама адхілілі прапанову адмовіцца ад права на ўступленне ў НАТА, спаслаўшыся на неабходнасць захавання прынцыпу «палітыкі адкрытых дзвярэй» Альянсу. Акрамя таго, контрпрапанова ўтрымлівае патрабаванне да ЗША і Еўропы аб юрыдычных гарантыях абароны, якія дазволілі б пазбегнуць новага нападу Расіі.

Крыніцы выдання патлумачылі, што Украіна прыбрала тыя пункты амерыканскага плана, якія «пераступалі яе чырвоныя лініі». Абмеркаванне ўрэгулявання працягнецца на сустрэчы прэзідэнта Уладзіміра Зяленскага і еўрапейскіх лідараў з перамоўнікамі ЗША Стывам Уіткофам і Джарэдам Кушнерам у Берліне 15 снежня.