СМІ: Лукашэнка адмовіўся перадаваць палітвязняў праз краіны ЕС

• 14.12.2025, 15:39

Прэзідэнт Украіны раскрыў падрабязнасці вызвалення вязняў дыктатара.

Прэзідэнт Украіны Уладзімір Зяленскі заявіў, што Аляксандр Лукашэнка адмовіўся перадаваць палітвязняў у краіны Еўрапейскага саюза і таму звярнуўся да Украіны, піша «Настоящее время».

«На ўзроўні разведак камунікавалі краіны. Далей кіраўнік ГУР Кірыл Буданаў звярнуўся да мяне і сказаў, што беларусы гатовыя аддаць палітвязняў, але не хочуць аддаваць праз тую ці іншую краіну Еўрапейскага саюза, але калі я падтрымаю, гатовыя перадаць праз Украіну. Я сказаў, што, безумоўна, падтрымліваем, гатовыя прымаць, таму што пытанне палітвязняў важнае», — сказаў украінскі лідар у нядзелю на борце самалёта, які ляцеў у Берлін.

Нагадаем, што ўчора Лукашэнка вызваліў 123 палітвязняў.

Сярод тых, хто выйшаў на волю, — лаўрэат Нобелеўскай прэміі міру Алесь Бяляцкі, апазіцыйны палітык Павал Севярынец, праваабаронца Уладзімір Лобковіч і шэраг іншых вязняў сумлення.

Большасць памілаваных былі гвалтам вывезеныя на тэрыторыю Украіны.