Лаўрэат Нобелеўскай прэміі Алесь Бяляцкі ўпершыню за тры гады сустрэўся з жонкай

• 14.12.2025, 12:21

Кранальныя кадры.

Лаўрэат Нобелеўскай прэміі Алесь Бяляцкі, вызвалены з турмы 13 снежня, сустрэўся з жонкай Наталляй Пінчук.

Першая за тры гады сустрэча адбылася ў аэрапорце Вільні, куды прыляцела Наталля, паведамляе «Радыё Рацыя».

«Радыё Свабода» таксама апублікавала кранальныя кадры.

Нагадаем, што ўчора Лукашэнка вызваліў 123 палітвязняў.

Сярод тых, хто выйшаў на волю, — лаўрэат Нобелеўскай прэміі міру Алесь Бяляцкі, апазіцыйны палітык Павал Севярынец, праваабаронца Уладзімір Лабковіч і шэраг іншых вязняў сумлення.

Большасць памілаваных былі гвалтоўна вывезеныя на тэрыторыю Украіны.