Прэзідэнт ПАРЕ: Гэта сапраўды цудоўная навіна напрыканцы года!

• 14.12.2025, 11:39

У Парламенцкай асамблеі Рады Еўропы адрэагавалі на вызваленне беларускіх палітвязняў.

13 снежня ў Беларусі вызвалілі 123 палітвязняў. Іх усіх вывезлі за мяжу, пераважна ва Украіну.

Еўрапейскія палітыкі адрэагавалі на вызваленне беларускіх палітвязняў.

Тэадорас Русопулас, прэзідэнт Парламенцкай асамблеі Рады Еўропы, напісаў у Х:

«Вельмі рады даведацца, што лаўрэаты Прэміі Вацлава Гавела Марыя Калеснікава і Алесь Бяляцкі толькі што былі вызваленыя з турмы разам са 121 іншым палітвязнем! Гэта сапраўды цудоўная навіна напрыканцы года, поўнага выклікаў і праблем!».

Нагадаем, што ўчора Лукашэнка вызваліў 123 палітвязняў.

Сярод тых, хто выйшаў на волю, — лаўрэат Нобелеўскай прэміі міру Алесь Бяляцкі, апазіцыйны палітык Павел Севярынец, праваабаронца Уладзімір Лобковіч і шэраг іншых вязняў сумлення.

Большасць памілаваных былі гвалтоўна вывезеныя на тэрыторыю Украіны.