Зяленскі пагаварыў з вызваленай Калеснікавай

• 13.12.2025, 19:35

Пра гэта паведаміў памочнік украінскага прэзідэнта.

Прэзідэнт Украіны Уладзімір Зяленскі пагаварыў з беларускай палітвязняй Марыяй Калеснікавай пасля яе вызвалення.

Пра гэта ў суботу паведаміў журналістам памочнік украінскага прэзідэнта Дзмітрый Літвін.

Паводле яго слоў, кіраўнік ваеннай разведкі Украіны Кірыл Буданаў прысутнічаў пры прыёме зняволеных, вызваленых з беларускіх турмаў.

Нагадаем, Лукашэнка вызваліў 123 палітвязняў. Пра гэта стала вядома сёння, 13 снежня.

Сярод тых, хто выйшаў на волю, — лаўрэат Нобелеўскай прэміі міру Алесь Бяляцкі, апазіцыйны палітык Павел Севярынец, праваабаронца Уладзімір Лобковіч і шэраг іншых вязняў сумлення.

Большасць памілаваных былі прымусова вывезеныя на тэрыторыю Украіны: туды былі дэпартаваныя 114 чалавек, у тым ліку 104 беларусы.