Пад Асіповічамі казуля ўзбудоражыла цэлае міністэрства

• 13.12.2025, 11:43

Да жывёлы, якая «актыўна ела і перамяшчалася», выехала камісія.

Міністэрства прыродных рэсурсаў і аховы навакольнага асяроддзя Беларусі паведаміла, што ў Магілёўскай вобласці, недалёка ад Асіповічаў, у вёсцы Вяз’е да людзей выйшла дзікая казуля і не спрабавала ўцякаць.

На месца адправілі цэлую камісію па аказанні дапамогі дзікім жывёлам, што апынуліся ў бядотным становішчы.

Спецыялісты правялі назіранне і зрабілі выснову.

«У ходзе агляду дзікай жывёлы ўстаноўлена, што казуля актыўна сілкавалася і перамяшчалася. Пры візуальным аглядзе траўмаў не выяўлена. У сувязі з гэтым было прынята рашэнне вярнуць жывёлу ў натуральнае асяроддзе існавання», — паведамілі ў міністэрстве.