Якія прадукты ўзляцелі ў цане ў гэтым годзе

• 12.12.2025, 16:10

У лідэрах апынуўся папулярны фрукт.

У лістападзе гадавая харчовая інфляцыя дасягнула 10%. Пры гэтым асобныя тавары падаражэлі ў разы больш. «Зеркало» паглядзела, якія прадукты мацней за ўсё падаражалі з пачатку гэтага года.

Больш за ўсё з пачатку года ў цане вырас какава-парашок (+74,1%). Таксама ў лідэрах апынуліся яблыкі (+55%) і натуральная молатая кава (+35%).

Некаторыя тавары падняліся ў цане крыху менш, але таксама сталі прыкметна даражэйшыя. Сярод іх салёны селядзец (+27,7%), шакалад (+24,6%), мёд (+23,7%).

На 23% у гэтым годзе падаражэлі бульбяныя чыпсы, на 22,4% — какава-напой і на 19,4% — кукурузныя шматкі. Рыба і морапрадукты падаражэлі амаль на 15%, ялавічына — на 11,9%, а свініна — на 14%.

Менш даступнымі сталі некаторыя салодкасці. Напрыклад, халва (+18%), шакаладныя цукеркі (+17,6%).

З гародніны больш за ўсё падаражэла белакачанная капуста (+15,9%). А гарох і фасоля падаражэлі на 16,7%.