Кошт візы ў Егіпет для беларусаў не падаражэе

• 11.12.2025, 23:16

Па-ранейшаму будзе каштаваць 25 долараў.

Кошт візы ў Егіпет не падаражэе і застанецца 25 долараў для беларусаў. Пра гэта паведамляе Асацыяцыя тураператараў Расіі са спасылкай на Міністэрства турызму і старажытнасцей Егіпта.

У ведамстве абверглі падаражанне ўязных віз да 45 долараў:

«Міністэрства турызму і старажытнасцей пацвярджае, што гэтыя паведамленні не маюць пад сабой падстаў, і ніякіх выканаўчых рашэнняў аб павышэнні кошту ўязных віз у Егіпет не прымалася».

І ўдакладнілі, што змены ў заканадаўстве былі, аднак яны звязаныя толькі з устанаўленнем максімальна магчымай стаўкі збору. Для большасці турыстаў, у тым ліку з Расіі і Беларусі, кошт стандартнай аднаразовай візы складае 25 долараў. Але ёсць выключэнні для тых, хто выбірае адпачынак на паўвостраве Сінай. Так, пры прамым прылёце ў аэрапорт Шарм-эш-Шэйха і знаходжанні толькі на тэрыторыі курорта да 15 дзён віза не патрабуецца — у пашпарт ставіцца бясплатны «сінайскі штамп».