Пуцін пагаварыў з Мадурам на фоне пагроз Венесуэле з боку Трампа

• 11.12.2025, 19:29

Сябар Лукашэнкі ўсё ж уцячэ ў Расію?

Дыктатар Расіі Уладзімір Пуцін правёў тэлефонную размову з кіраўніком Венесуэлы Нікаласам Мадурам, паведамляе прэс-служба Крамля.

Раніцай прэс-сакратар кіраўніка Расіі Дзмітрый Пяскоў паведаміў, што ўвечары Пуцін, магчыма, правядзе міжнародную тэлефонную размову, але не ўдакладніў, з кім.

Падчас размовы Пуцін і Мадура «абмяняліся меркаваннямі па пытаннях далейшага развіцця сяброўскіх расійска-венесуэльскіх адносін у рэчышчы дагавора аб стратэгічным партнёрстве і супрацоўніцтве, які ўступіў у сілу ў лістападзе 2025 года».

Пуцін са свайго боку выказаў падтрымку курсу ўрада Мадуры на «абарону нацыянальных інтарэсаў і суверэнітэту ва ўмовах узмацнення вонкавага ціску».