Месі адкрые 20-метровы помнік самому сабе ў Індыі

• 11.12.2025, 19:08

Цырымонія адбудзецца ў Калкаце.

Васьмікратны ўладальнік «Залатога мяча» Ліянэль Месі 13 снежня наведаe індыйскую Калкату, дзе возьме ўдзел у адкрыцці помніка ў яго гонар вышынёй 70 футаў (21,3 м), піша BBC.

Манумент вырабілі за 27 дзён.

Таксама ў Калкаце будзе фан-зона са статуяй Месі, які сядзіць на троне, і копіямі яго трафеяў, а таксама копія дому аргенцінца ў Маямі.

Месі ў межах «туру найвялікшага гульца ўсіх часоў» (GOAT) таксама наведае Хайдарабад, Мумбаі і Дэлі. Яго будуць суправаджаць аднаклубнікі па «Інтэр Маямі» Луіс Суарэс і Радрыга дэ Пол, з якімі ён раней стаў чэмпіёнам MLS.

Нападніку прысвечана бронзавая статуя, адкрытая ў 2016 годзе ў Буэнас-Айрэсе; помнік Месі таксама хочуць зрабіць на хатнім стадыёне «Барселоны».