Мадура рыхтуецца збегчы ў Беларусь?

• 11.12.2025, 19:56

Лукашэнка сустрэўся з паслом Венесуэлы.

Аляксандр Лукашэнка сёння сустрэўся з паслом Венесуэлы ў Расіі Хесусам Рафаэлем Саласарам Веласкесам. Як вынікае са слоў Лукашэнкі, дыпламат вярнуўся да яго пасля сустрэчы з кіраўніком гэтай краіны Нікаласам Мадура.

Дыктатар сустракаўся з Веласкесам 25 лістапада. Тады ён прасіў перадаць Нікаласу Мадура, што яго заўсёды чакаюць у Беларусі.

ЗША ў апошнія месяцы сцягвалі ў Карыбскае мора значныя сілы. Да сярэдзіны лістапада колькасць амерыканскіх вайсковых у рэгіёне дасягнула 15 тыс. чалавек. Гэта самая буйная групоўка войскаў ЗША ў Карыбах за некалькі дзесяцігоддзяў.

29 лістапада ЗША абвясцілі пра закрыццё паветранай прасторы над Венесуэлай.

9 снежня прэзідэнт ЗША Дональд Трамп заявіў, што «дні Мадура злічаныя».