Беларусь і Іран падпісалі план ваеннага супрацоўніцтва

• 11.12.2025, 0:48

Мінск і Тэгеран маюць намер правесці сумеснае вучэнне.

Беларусь і Іран падпісалі план двухбаковага ваеннага супрацоўніцтва на наступны год, маюць намер правесці сумеснае ваеннае вучэнне. Пра гэта на сваёй старонцы ў сацыяльнай сетцы X паведаміў начальнік дэпартамента міжнароднага ваеннага супрацоўніцтва — памочнік міністра абароны Беларусі па пытаннях міжнароднага ваеннага супрацоўніцтва Валерый Рэвенка.

«У Мінску праца дэлегацыі Генеральнага штаба Ірана завяршылася падпісаннем плана двухбаковага супрацоўніцтва на 2026 год. У якасці асноўнага мерапрыемства разглядаецца правядзенне сумеснага вучэння на тэрыторыі адной з дзяржаў», — напісаў Рэвенка.