Новым камандзірам ПВК «Вагнер» стаў вайсковец без абедзвюх ног і адной рукі

• 10.12.2025, 19:18

Ён страціў канечнасці на вайне з Украінай.

У сетцы з’явілася відэа з новым камандзірам расійскай прыватнай вайсковай кампаніі (ПВК) «Вагнер» Дзмітрыем Падольскім з пазывным «Салем», які страціў руку і абедзве ногі падчас «выканання задач» на вайне супраць Украіны. Кадры з ім апублікаваныя ў тэлеграм-канале расійскага прапагандысцкага выдання ТАСС.

Вайсковец распавёў на відэа, што пасля цяжкіх раненняў, атрыманых ва Украіне, ён аднаўляўся восем месяцаў.

Да гэтага новы камандзір ПВК «Вагнер» Дзмітрый Падольскі стаў дарадцам па бяспецы кіраўніка Цэнтральна-Афрыканскай Рэспублікі (ЦАР) Фостэн-Арканжа Туадэры.