«Сволачы! Сыходзьце!»: Пажылы жыхар Куп'янска выгнаў акупантаў з пад'езда

• 10.12.2025, 11:57

Мужчына адкрыта заявіў расійскім вайскоўцам, каб тыя сыходзілі з горада.

Пажылы мужчына лае акупанта, які стаіць каля пад'езда шматпавярхоўкі: «Сволачы! Сыходзьце і нех#й сюды прыходзіць! За сваёй Расеяй сачыце».

На Куп'янскім накірунку мясцовы жыхар адкрыта выказаў расійскім акупантам сваё стаўленне да іх прысутнасці і да разбурэнняў, якія яны прынеслі на ўкраінскую зямлю.

Як паведамляе «Цензор.НЕТ», мужчына паказаў захопнікам дарогу і заклікаў іх неадкладна забірацца з тэрыторыі горада.

У адказ на з'яўленне расійскіх вайскоўцаў мужчына эмацыйна заявіў:

«Украінскія жаўнеры з Жытомірскай вобласці кармілі мяне шакаладам, паштэтамі і каўбасой. А вы, сволачы, сыходзьце! І нех#й сюды прыходзіць, за сваёй Расеяй сачыце, каб яна квітнела!»

Яго словы сталі сімвалам стаўлення мясцовых жыхароў да акупацыйных войскаў, якія прынеслі на Харкаўшчыну вайну, разбурэнні і смерць.