«Мужчыны, вы ж 100% праязджалі міма мяне і сядзелі ў машыне адны»
- 10.12.2025, 9:38
Беларуска апынулася на трасе сярод ночы і не змагла злавіць папутку.
Жыхарка Гродна Еўгенія падзялілася болем: яна апынулася сярод ночы на трасе з-за паламанай машыны. І доўга не магла злавіць папутку. Як расказала жанчына ў TikTok, спыніліся толькі аднойчы. Вось чым скончылася гісторыя.
— Нікому, вядома, такога не пажадаю: застацца хрэн ведае дзе ўначы на дарозе, — кажа Еўгенія. І тлумачыць, што ехала з бацькамі на машыне, але ў нейкі момант аўто пачало глухнуць. Пра тое, што было далей, жанчына распавядае даволі зблытана. Паводле яе слоў, бацькі ўсё ж змаглі паехаць дадому, але чамусьці высадзілі дачку на прыпынку.
— Я ўжо наплакалася, — распавядае беларуска. — Але ніхто не спыняецца. Толькі нейкая фура, вялікі дзякуй. Давезлі хоць бы да Ліды, да запраўкі. Мужчыны, вы ж 100% праязджалі міма мяне і сядзелі ў машыне адны. Вы чаго баяліся, што я вас з'ем, б**ць, пакусаю? У мяне проста няма слоў. Нікому не пажадаю так застацца на дарозе. Што, трэба праязджаць міма чалавека? Я заўсёды спынялася.
Ужо пазней Еўгенія ўдакладніла ў каментарыях, што бацька паехаў дадому «на свой страх і рызыку». А ёй тэрмінова трэба было ў пасольства ў Мінску — таму і вырашыла лавіць папутку. У іншым каментары жанчына расказала, як скончылася гісторыя: на запраўцы ў Лідзе знайшоўся вадзіцель, які якраз ехаў у сталіцу і пагадзіўся падвезці.
За некалькі дзён відэа гродзенкі паглядзелі амаль 70 тысяч разоў і пакінулі больш за 200 каментароў. Людзі абмяркоўваюць, чаму ніхто не мог падвезці яе, і расказваюць, як самі паступаюць у такой сітуацыі:
«Цяпер такі час, што спыніцца і падвезці папутчыка, асабліва дзяўчыну, можа абысціся сабе даражэй».
«Проста думалі, што «плечавая»! (жанчына, якая займаецца прастытуцыяй. — Заўв. рэд.)»
«Смешна. Таксі ёсць у кожным горадзе, а ўздоўж трасы праз кожныя 30–40 км таксама. Проста вырашыла не траціцца, а заехаць дарма».
«На прыкладзе сябра адучылі. Узяў папутчыка на выездзе з Гродна, давёз да Ліды, высадзіў. Праз кіламетр — ДАІ і транспартнікі. Аказалася падстава: на заднім сядзенні ляжалі грошы, хацелі прыпісаць незаконны перавоз пасажыраў. Выратаваў рэгістратар, які паказаў, што ніякай дамоўленасці пра аплату не было. Ды і ўспомніце, як душылі сэрвіс для пошуку папутчыкаў — нібыта гэта незаконна, браць з іх грошы на бензін».
«Я пераглядзеў шмат фільмаў жахаў і не рызыкваю падбіраць».
«Ніхто не хоча праблем, таму і не спыніліся…»
«Падвожу, але толькі калі дзе-небудзь у вёсцы галасуюць. Пасярод трасы ў лесе ўсякае можа быць. Аднаго падбралі — дык ледзь не зарэзаў. А ўсе здзіўляюцца, чаму ніхто не спыняецца».
«Я заўсёды спыняюся, калі бачу, што галасуюць. Я добры».