Зяленскі зрабіў заяву адносна новага кіраўніка Офіса Прэзідэнта Украіны

• 1.12.2025, 21:49

Прэзідэнт Украіны заявіў, што «сенсацый не будзе».

Прэзідэнт Украіны Уладзімір Зяленскі пасля вяртання ў Кіеў плануе правесці дадатковыя кансультацыі адносна прызначэння новага кіраўніка Офіса Прэзідэнта.

Пра гэта Уладзімір Зяленскі заявіў на прэс-канферэнцыі з прэзідэнтам Францыі Эманюэлем Макронам.

«Сенсацый сёння не будзе. Я хачу правесці яшчэ дадатковыя кансультацыі, я іх запланаваў, пасля вяртання ва Украіну я гэта зраблю. Мой выбар залежыць ад некаторых рэчаў. Факусуемся больш на дыпламатыі або на іншых напрамках, якія вельмі важныя», — адзначыў украінскі лідар.

Зяленскі дадаў, што ва Украіне «ёсць вельмі годныя людзі».