Зяленскі назваў самае складанае пытанне на мірных перамовах

• 1.12.2025, 21:23

Дыскусіі па ўрэгуляванні вайны ў асноўным зводзяцца да трох тэм.

Дыскусіі па мірным урэгуляванні расійска-ўкраінскай вайны ў асноўным зводзяцца да трох тэм, заявіў украінскі прэзідэнт Уладзімір Зяленскі на прэс-канферэнцыі.

«Скажу шчыра, тэрытарыяльнае пытанне — самае складанае. Пытанне грошай на аднаўленне — на мой погляд, без прысутнасці еўрапейскіх партнёраў гэта не проста і складана, таму што грошы знаходзяцца ў Еўропе. Мне здаецца, гэта не вельмі справядліва. І пытанне гарантый бяспекі, што вельмі важна, канкрэтна ад Злучаных Штатаў Амерыкі, канкрэтна ад Еўропы», — сказаў прэзідэнт Украіны.

Ён адзначыў, што гэтыя праблемы дэлегацыі абмяркоўвалі шэсць з паловай гадзін, у выніку чаго праект мірнага плана стаў «выглядаць лепш».