Раман Світан: У Лукашэнкі не атрымаецца стварыць самалёт

• 1.12.2025, 18:13

Рэжым хоча дапамагчы авіяпрамысловасці РФ абыходзіць санкцыі.

Рэжым Лукашэнкі абвясціў пра планы стварыць «першы беларускі грамадзянскі самалёт» — у цеснай кааперацыі з Расіяй.

Як можна ацаніць гэты праект: ці здольны рэжым насамрэч стварыць надзейны самалёт, або Беларусь рызыкуе паўтарыць лёс расійскага Superjet-100, які рэгулярна выходзіць з ладу і цярпіць аварыі?

Такое пытанне сайт Charter97.org задаў палкоўніку ЗСУ ў запасе, ваеннаму эксперту і лётчыку-інструктару Раману Світану:

- З Беларусі цяпер знялі частку санкцый. Магчыма, гэта якраз адзін з механізмаў, як пабудаваць самалёт, а можа, адзін з варыянтаў, як, абыходзячы санкцыі, насыціць расійскае авіябудаўніцтва еўрапейскімі і амерыканскімі прыладамі, вузламі і агрэгатамі. Ёсць такая верагоднасць. Гэта можа быць запускам самой тэмы стварэння нейкага сумеснага самалёта, а пад яго — закупляць для Расіі падсанкцыйныя вузлы і агрэгаты.

Думаю, усё ж у гэтым справа, бо стварыць самалёт разам з Расіяй немагчыма. Я б паверыў, калі б Беларусь з Кітаем магла зрабіць, зноў жа, некаторыя вузлы і агрэгаты, але не сам самалёт. У Беларусі няма самалётабудаўнічых магутнасцяў — яны проста адсутнічаюць. Вузлы і агрэгаты Беларусь можа вырабляць: пэўныя электронныя платы, можа быць, сервапрывады. А вось цалкам самалёт — гэта нерэальна распрацаваць на базе Беларусі.

А быць прыцягнутай да Расіі ў якасці пастаўшчыка — так, можа быць. Вось менавіта гэтых падсанкцыйных прылад, якія Расія сама купляць не можа. Таму стварэнне самалёта нерэальнае. Думаю, тут нешта іншае.