У школе ў Шаркаўшчыне адбылося кароткае замыканне электраправодкі

• 1.12.2025, 16:07

На месца выязджалі дзевяць адзінак тэхнікі МНС.

Ратавальнікі выязджалі па паведамленні аб узгаранні ў будынку школы ў Шаркаўшчыне, паведамілі ў прэс-службе МНС.

Інцыдэнт адбыўся 1 снежня: сістэма перадачы паведамленняў аб НС «Маланка» праінфармавала аб узгаранні ў будынку школы ў гарадскім пасёлку Шаркаўшчына. Да месца выкліку было накіравана дзевяць адзінак тэхнікі. Прыбылыя падраздзяленні МНС высветлілі, што ў электрашчытовай у падвальным памяшканні адбылося кароткае замыканне электраправодкі. Гарэння не было.

У выніку ніхто не пацярпеў, эвакуацыя не спатрэбілася.