У Маскве выбухнуў аўтамабіль расійскага вучонага

• 1.12.2025, 18:15

Ён працуе ў інстытуце, які вырабляе лазерныя сістэмы для зброі.

У панядзелак, 1 снежня, у Маскве выбухнуў аўтамабіль супрацоўніка НДІ «Полюс» імя Стэльмаха, дзе вырабляюць лазерныя сістэмы для зброі.

Пра гэта паведамляе The Insider.

Адзначаецца, што ў двары жылога комплексу ў горадзе Маскоўскі (Новая Масква) выбухнуў і згарэў легкавы аўтамабіль. Паводле папярэдніх звестак, ніхто не пацярпеў.

Прапагандысцкі Telegram-канал 112 паведамляе, што ўладальнікам аўтамабіля з'яўляецца спецыяліст у галіне квантавай электронікі з НДІ «Полюс» імя Стэльмаха, які цяпер знаходзіцца ў камандзіроўцы.

Інстытут займаецца распрацоўкай лазерных далямераў, цэлеўказальнікаў для высокадакладнай зброі і лазерных гіраскопаў для навігацыйных сістэм самалётаў.

Іншыя падрабязнасці не паведамляюцца.