У Баранавічах пенсіянерка вырошчвала канаплю для гарбаты

• 1.12.2025, 10:39

Рэцэпт яна знайшла ў інтэрнэце.

У Баранавічах 68-гадовая жанчына вырошчвала канаплю для дадавання ў гарбату ў якасці «лякарскага сродку». У дачыненні да пенсіянеркі распачата крымінальная справа, паведамляе Следчы камітэт.

У верасні ў праваахоўныя органы паступіла інфармацыя пра тое, што пенсіянерка на прысядзібным участку ў Баранавічах займалася вырошчваннем забароненых раслін. На месца выбыла следча-аператыўная група.

«Падчас агляду зямельнага ўчастка было выяўлена і вылучана 7 кустоў канаплі. Акрамя таго, пры абследаванні жылога дома выяўлены і вылучаны скрыні, падносы і пакеты, у якіх знаходзілася высушаная расліна. Па выніках праведзеных экспертыз устаноўлена, што агульная маса вылучанай з агарода канаплі на стадыі цвіцення склала амаль 3 кілаграмы марыхуаны, а маса высушаных частак расліны, вылучаных у доме, перавысіла 800 грамаў», — паведамілі ў СК.

Падчас следства пенсіянерка распавяла, што вырошчвала і нарыхтоўвала забароненую расліну для далейшага дадавання ў гарбату ў якасці «лякарскага сродку». Рэцэпт яна знайшла ў інтэрнэце.