Беларус Протас закінуў сваю юбілейную шайбу ў НХЛ

• 1.12.2025, 9:31

Форвард «Вашынгтон Кэпіталз» вызначыўся ў матчы з камандай з Нью-Ёрка.

У чарговым матчы рэгулярнага чэмпіянату НХЛ «Вашынгтон Кэпіталз» у гасцях перайграў «Нью-Ёрк Айлендэрс» – 4:1.

Беларускі нападнік Аляксей Протас пачаў сустрэчу ў другім звяне на левым фланзе.

У канцоўцы гульні гаспадары знялі варатара, і 24-гадовы выхаванец віцебскага хакея скарыстаўся момантам, адправіўшы шайбу ў пустыя вароты.

Ён закінуў шайбу, нанёс тры кідкі, адзначыўся адным сілавым прыёмам і адной стратай, а таксама завяршыў сустрэчу з паказчыкам карыснасці «+1».

Дзякуючы ёй беларускі форвард дасягнуў адзнакі 50 галоў, забітых у рэгулярных чэмпіянатах НХЛ.