Расійскія камандзіры масава запісваюць у дэзерціры зніклых без вестак ва Украіне

• 1.12.2025, 8:50

Така практыка стала масавай у 2025 годзе.

У Расіі зафіксавалі рэзкі рост выпадкаў афармлення зніклых без вестак ва Украіне вайскоўцаў як самавольна пакінулых частку (СОЧ) і дэзерціраў. Паводле слоў намесніка кіраўніка кантрольна-следчага аддзела ваеннага следчага ўпраўлення СКР па ЦВО Сяргея Ляпіна, такая практыка стала масавай у 2025 годзе. «60% тых, каго абвясцілі СОЧ, маюць гэты статус неабгрунтавана. Мы сур'ёзна сутыкнуліся з гэтай праблемай у гэтым годзе, у 2024-м такога не было», — сказаў ён на круглым стале, прысвечаным тэме зніклых вайскоўцаў, піша The Moscow Times.

Ляпін адзначыў, што камандзіры частак павінны праводзіць праверку перад наданнем статуса СОЧ адсутнаму, «але ў большасці выпадкаў» гэтага не робіцца. Падпалкоўнік паведаміў, што сітуацыя, якая склалася, ужо прывяла да крымінальных спраў. Напрыклад, у Самары камандзір часткі запісаў зніклага байца як таго, хто самавольна пакінуў службу, указаўшы, што ён знік з пункта пастаяннай дыслокацыі, а пазней высветлілася, што вайсковы быў забіты на перадавой — яго апазналі ў Цэнтры прыёму, апрацоўкі і адпраўкі загінулых Мінабароны ў Растове-на-Доне. Пры гэтым ён памёр значна раней за дату, якую пазначыў камандзір. Ляпін падкрэсліў, што сем'і вайскоўцаў, якіх абвяшчаюць СОЧ, пазбаўляюцца выплат, у той час як сваякам зніклых без вестак працягваюць налічваць грашовае забеспячэнне, таму выпадкі неабгрунтаванага прыпісвання вайскоўцаў да дэзерціраў павінны спыняцца.

Пра тое, што зніклых і загінулых ва Украіне расіян масава прызнаюць самавольна пакінулымі частку, летам пісалі «Важныя гісторыі», вывучыўшы дзясяткі скаргаў сваякоў вайскоўцаў.