Расію масава атакавалі ўкраінскія дроны

• 8.11.2025, 9:19

Аэрапорты прыпынілі працу.

Мінабароны Расіі паведамляе пра атаку ўкраінскіх БПЛА. Нібыта ў краіну заляцелі 79 дронаў. Больш за ўсё беспілотнікаў атакавалі Растоўскую вобласць — 36. Дзесяць БПЛА заўважылі ў небе над Бранскай вобласцю, дзевяць — над Курскай вобласцю, восем — над Валгаградскай вобласцю.

Па пяць дронаў — над акупаваным Крымам і Белгарадскай вобласцю. Тры беспілотнікі — у небе над Саратаўскай вобласцю. Па адным — у Варонежскай, Смаленскай і Арлоўскай абласцях.

На фоне пагрозы з боку беспілотнікаў абмежаванні на палёты ў ноч на 8 лістапада ўвялі аэрапорты Ульянаўска, Калугі, Уфы, Пензы, а таксама Саратава і Валгаграда. У дзвюх апошніх паветраных гаванях абмежаванні на палёты ўжо знялі.