У Баранавічах усталявалі ўражальную скульптуру зубра

• 7.11.2025, 20:35

Арт-інсталяцыя ўвасабляе сілу, магутнасць і здольнасць беларускага народа пастаяць за сябе.

У горадзе Баранавічы 6 лістапада ўрачыста адкрылі незвычайную скульптуру. І гэта зубр!

Унікальную арт-інсталяцыю ўсталявалі проста на тэрыторыі Баранавіцкага аўтаагрэгатнага завода, распавядае «Наш Край».

Манументальную кампазіцыю пад назвай «Асілак» стварыў вядомы скульптар Уладзімір Канонік. І зубр быў выбраны невыпадкова – ён увасабляе сілу, магутнасць і нацыянальны характар Беларусі.

Акрамя таго, як патлумачылі аўтары праекта, гэты вобраз адлюстроўвае стойкасць і здольнасць беларускага народа пастаяць за сябе.

Асабліва каштоўным і ўнікальным зубра робіць тое, што ён цалкам выраблены з сапраўдных дэталяў і кампанентаў ад аўтамабіляў.