Раналду назваў сябе ідэальным

• 7.11.2025, 0:59

Нападнік зборнай Партугаліі заявіў, што ён прывабнейшы за Бэкхэма.

Нападнік «Аль-Насра» і зборнай Партугаліі Крыштыяну Раналду у інтэрв’ю YouTube-каналу журналіста Пірса Моргана параўнаў сябе з былым капітанам зборнай Англіі Дэвідам Бэкхэмам.

Футбаліст заявіў, што, нягледзячы на прывабную знешнасць Бэкхэма, ён лічыць сябе ідэальным. Раналду адзначыў, што калі б апынуўся на пляжы Капакабаны побач з Бэкхэмам, то публіка праявіла б інтарэс менавіта да яго, а не да калегі. Ён дадаў, што Бэкхэм пагадзіўся б з ім.

Раналду — пяціразовы ўладальнік «Залатога мяча». На ягоным рахунку пяць перамог у Лізе чэмпіёнаў, а таксама чэмпіёнскія тытулы ў Англіі, Іспаніі і Італіі. Разам са зборнай Партугаліі футбаліст стаў чэмпіёнам Еўропы 2016 года, сярэбраным і бронзавым прызёрам кантынентальнага першынства, а таксама пераможцам Лігі нацый УЕФА 2019 года.