Украінская авіяцыя адпрацавала па расіянах, якія вывесілі сцяг у Ваўчанску

• 6.11.2025, 20:17

Узброеныя сілы Украіны паказалі недарэчную аперацыю РФ.

Акупанты ўсталявалі расійскі сцяг на адным з будынкаў у Ваўчанску і запісалі прапагандысцкае відэа. Аперацыя ворага не засталася незаўважанай.

Пра гэта паведамляе РБК-Украіна са спасылкай на 57-ю асобную мотапяхотную брыгаду імя кашавога атамана Касці Гордзіенкі ў Facebook.

У брыгадзе звярнулі ўвагу, што відэа з усталяваннем расійскага сцяга ў Ваўчанску ўчора, 5 лістапада, масава распаўсюджвалі ў сацсетках.

На самай жа справе група акупантаў дзеля прапагандысцкіх кадраў паднялася на адзін з будынкаў Рубежанскага жылога масіва, памахала сцягам і накіравалася ў суседні будынак. Украінскія ваяры заўважылі нахабныя дзеянні расіян — па праціўніку адразу адпрацавала авіяцыя.

«Чарговае сведчанне, што расійскае камандаванне не шкадуе свой асабовы склад і кідае іх на выкананне бессэнсоўных задач, цана якіх — жыццё. Ведаем, на змену гэтым ахвотнікам паўдзельнічаць у здымках прапагандысцкіх відэа адправяць новых. Але і яны будуць знішчаныя ў Ваўчанску», — адзначылі ў 57-й асобнай мотапяхотнай брыгадзе.