У Беларусі з малатка збіраюцца прадаць цэлы завод

• 6.11.2025, 18:17

І, здаецца, дзеючы.

На аўкцыёне ў Беларусі хочуць прадаць цэлы завод. І, здаецца, дзеючы. Інфармацыя пра гэта з’явілася на сайце «БелЮрОбеспечения».

Комплекс месціцца ў Бабруйску на вул. Чэхава. На заводзе выпускаюць жалезабетонныя вырабы, піша «Точка».

Акрамя вытворчых цэхаў, якія выглядаюць даволі дагледжана, у камплекце ідуць трансфарматарная падстанцыя, склады і мноства тэхнікі.

Прадаюць помпы, фрэзерныя станкі, сілас, бетанаўкладчыкі, розныя віды кранаў, сілавы трансфарматар і многае іншае для вытворчасці вырабаў з жалезабетону.