Паліна Шарэнда-Панасюк: Зала вітала мяне стоячы

• 6.11.2025, 10:50

Лаўрэатка чэшскай прэміі «Гісторыі бязправя» заклікала змагацца за вызваленне палітвязняў.

Актывістка грамадзянскай кампаніі «Еўрапейская Беларусь», былая палітзняволеная Паліна Шарэнда-Панасюк атрымала чэшскую прэмію «Гісторыі бязправя» («Příběhy bezpráví»).

Тэлеграм-канал «Баста!» распытаў Паліну Шарэнду-Панасюк пра прэмію:

— Зала вітала мяне стоячы. Гэтыя апладысменты належаць усім палітвязням. Гэта іх мужнасць і стойкасць ушанавалі чэхі.

Чэшская прэмія «Гісторыі беззаконня» прысуджаецца асобам, якія актыўна супраціўляліся камуністычнаму рэжыму.

З 2020 года гэтую прэмію пачалі прысуджаць за межамі Чэхіі.

Я разам з Ксеніяй Сыромалот і Нікітам Емяльянавым атрымала яе ў 2021 годзе за неабгрунтаванае зняволенне і асаблівую мужнасць у барацьбе за свабоду і правы чалавека ў Беларусі.

Увесь гэты час мая сям'я і мае паплечнікі змагаліся за мяне: патрабавалі жорсткіх санкцый і ціснулі на рэжым дзеля майго вызвалення.

Прысуджэнне прэміі дапамагло разарваць кола рэпрэсій. Бо салідарнасць на міжнародным узроўні дзейнічае ў разы мацней.

Паліна заклікала падтрымаць зняволеных Вікторыю Кульшу, Альгу Маёраву, Алену Гнаўк, Алену Лазарчык і змагацца за іх вызваленне.