ДАІ будзе выяўляць няпрышпіленых асаблівым спосабам

• 5.11.2025, 22:37

Вадзіцелям і пасажырам да ведама.

У Беларусі для выяўлення няпрышпіленых вадзіцеляў і пасажыраў плануюць выкарыстоўваць камеры.

Пра магчымыя навінкі распавёў кіраўнік МУС Іван Кубракоў па выніках дакладу дыктатару. Словы міністра прыводзіць прэс-служба ведамства.

Узурпатару было дакладзена пра развіццё рэспубліканскай сістэмы маніторынгу грамадскай бяспекі.

Так, у краіне ўжо апрабавана сістэма выяўлення правапарушэнняў у аўтаматычным рэжыме. Ідзе гаворка пра выяўленне выпадкаў перавышэння хуткасці, праезду на чырвонае святло, руху па паласах.

Зараз дапрацоўваецца новае спецыяльнае ПЗ. Яно дазволіць адсочваць, ці прышпіленыя рамянямі бяспекі вадзіцель і пасажыры.