Бельгія мае намер актываваць 4-ы артыкул НАТА

• 5.11.2025, 21:32

З-за інцыдэнтаў з дронамі.

У Бельгіі абмяркоўваюць магчымасць актывацыі чацвёртага артыкула Вашынгтонскай дамовы НАТА для кансультацый па бяспецы з партнёрамі па альянсе. Пра гэта паведаміў міністр абароны Тэо Франкен, перадае выданне 7sur7.

Прычынай сталі інцыдэнты з дронамі, з-за якіх 4 лістапада ўсе аэрапорты краіны былі закрытыя на дзве гадзіны. 6 лістапада прэм’ер-міністр Бельгіі Барт Дэ Вевер абвясціў пра скліканне нацыянальнага савета бяспекі для абмеркавання сітуацыі з беспілотнікамі. Праблемы з дронамі ў еўрапейскіх аэрапортах працягваюцца, і ўлады ЕС падазраюць у гэтых інцыдэнтах Расію.

У кастрычніку Літва часова закрыла кантрольна-прапускныя пункты «Шальчынінкай» і «Мядзінінкай» на мяжы з Беларуссю з-за інцыдэнту з метэаралагічнымі зондамі, якія выкарыстоўваліся для кантрабанды.